Shadow

Kyn: frensur

Aldur: 7 ár

Geldur: ja

Lýsing niðanfyri:

Hesin ótrúliga kerligi og vakri 7 ára gamli frensurin søkir eitt nýtt heim. Hann eitur Shadow og hann elskar at fáa uppmerksemi, og er skjótur at blaka seg á ryggin fyri at blíva kelaður, og trýstur høvdið upp í hondina á einum.

Hann var vanlig húsketta tvey tey fyrstu árini av lívi sínum, men rýmdi heimanífrá ein dagin og kom ongantíð heim aftur. Hann bleiv tikin upp av DVF í mars mánaða, og fann sær skjótt eitt nýtt heim. Tíverri toldi hin kettan í nýggja heiminum ikki at Shadow flutti inn, so Shadow endaði aftur hjá DVF.

Shadow er geldur, chipmerktur og skrásettur. Hann hevur fingið trekt nakrar tenn eisini. Hann trívist allarbest inni, og skal vera inniketta framyvir.

Hann hevur verið saman við øðrum vaksnum og geldum frensum umframt minni og størri børnum, og tað hevur hann ongan trupulleika við.

Um Shadow ljóðar sum tann heilt rætti frensurin fyri tykkum, skriva okkum so eini boð, har tit fortelja eitt sindur um tykkum, og hvat tit kunnu bjóða honum 🥰